Shree24news

Breaking News

ನಗರಸಭೆ ಸದಸ್ಯ ಜಗನ್ ಮೋಹನ್ ರೆಡ್ಡಿ ಕೊಲೆ ಪ್ರಕರಣ: ಮೊದಲ ಬಾರಿಗೆ ಪೊಲೀಸರಿಂದ ಆರೋಪಿಗಳ ಮೇಲೆ ಪವರ್ ಫುಲ್ ಕಾನೂನು ಪ್ರಯೋಗ | Kolar Police filed case under Karnataka Control of Organised Crimes Act on jagan mohan reddy murder accusedಉತ್ತರ ಕನ್ನಡ: ಮಲ್ಟಿಸ್ಪೆಷಾಲಿಟಿ ಆಸ್ಪತ್ರೆ ಹೋರಾಟಕ್ಕೆ ಬೆಂಬಲ ಸೂಚಿಸಿದ ಸಿದ್ದರಾಮಯ್ಯ | Siddaramaiah supported for Uttara Kannada Multispecialty Hospital ProtestCISCE Board Class 12 Result 2022: ಐಸಿಎಸ್‌ಸಿ 12ನೇ ತರಗತಿಯ ಫಲಿತಾಂಶ ಪ್ರಕಟ, 99.38% ವಿದ್ಯಾರ್ಥಿಗಳು ಪಾಸ್ | CISCE Declares ISC Class 12 Result 2022 and 99.38% students passಪ್ರಧಾನಿ ಪ್ರಯೋಗಾಲಯದಲ್ಲಿನ ಹೊಸ ಪ್ರಯೋಗಗಳಿಂದಾಗಿ ಭಾರತದ ಭದ್ರತೆ ಮತ್ತು ಯುವಕರ ಭವಿಷ್ಯ ಅಪಾಯದಲ್ಲಿದೆ: ರಾಹುಲ್ ಗಾಂಧಿ | Congress leader rahul gandhi swipe at centre over agnipath scheme rak au33ಉತ್ತರ ಕನ್ನಡ ಜಿಲ್ಲೆಯಲ್ಲಿ ಶೀಘ್ರ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ: ಸ್ಪೀಕರ್ ಕಾಗೇರಿಗೆ ಆರೋಗ್ಯ ಸಚಿವ ಸುಧಾಕರ್ ಭರವಸೆ | Demand for Multi Speciality Hospital in Uttara Kannada Health Minister Vishweshwar Hegde Kageri

Nifty Next 50 Index: ಝೊಮ್ಯಾಟೊ, ಪೇಟಿಎಂ, ನೈಕಾ ನಿಫ್ಟಿ ನೆಕ್ಸ್ಟ್ 50 ಸೂಚ್ಯಂಕಕ್ಕೆ ಸೇರ್ಪಡೆ | Zomato Paytm Nykaa Added To Nifty Next 50 Index Here Is The Details

Nifty-NSE-1.jpg


Nifty Next 50 Index: ಝೊಮ್ಯಾಟೊ, ಪೇಟಿಎಂ, ನೈಕಾ ನಿಫ್ಟಿ ನೆಕ್ಸ್ಟ್ 50 ಸೂಚ್ಯಂಕಕ್ಕೆ ಸೇರ್ಪಡೆ

ಸಾಂದರ್ಭಿಕ ಚಿತ್ರ

ಮುಂಬರುವ ಅರೆ- ವಾರ್ಷಿಕ ಸೂಚ್ಯಂಕ ಪರಿಶೀಲನೆಯಲ್ಲಿ ಹೊಸದಾಗಿ ಲಿಸ್ಟ್ ಆದ ಝೊಮ್ಯಾಟೋ, ಒನ್​97 ಕಮ್ಯುನಿಕೇಷನ್ಸ್ (ಪೇಟಿಎಂ), ಎಫ್​ಎಸ್​ಎನ್​ ಇ-ಕಾಮರ್ಸ್ ವೆಂಚರ್ಸ್ (ನೈಕಾ) ಅನ್ನು ನಿಫ್ಟಿ (Nifty) ಮುಂದಿನ 50ರ ಸೂಚ್ಯಂಕದಲ್ಲಿ ಸೇರ್ಪಡೆ ಮಾಡಲಾಗುವುದು. ಪರಿಷ್ಕೃತ ಪಟ್ಟಿಯು ಮಾರ್ಚ್ 31ರಿಂದ ಅನ್ವಯ ಆಗುತ್ತದೆ. ಎಸ್​ಆರ್​ಎಫ್​, ಇಂಡಿಯನ್ ಆಯಿಲ್ ಮತ್ತು ಮೈಂಡ್​ಟ್ರೀ ಸಹ ಒಳಗೊಳ್ಳಲಿದೆ. ಇವುಗಳು ಕ್ರಮವಾಗಿ 4.7 ಕೋಟಿ ಡಾಲರ್, 4 ಕೋಟಿ ಡಾಲರ್ ಮತ್ತು 3.3 ಕೋಟಿ ಡಾಲರ್ ಒಳಹರಿವು ಕಾಣಲಿದೆ. ಮಾರುಕಟ್ಟೆ ತಜ್ಞರ ಪ್ರಕಾರ, ವಿನಿಮಯ ಕೇಂದ್ರದಿಂದ ಘೋಷಣೆ ಮಾಡಿದ ಪ್ರಕಾರ, ಹೊಸದಾದ ಅರ್ಹತಾ ಮಾನದಂಡಗಳ ಮಾರ್ಪಾಟಿನ ನಂತರ, ಕಳೆದ ವರ್ಷ ಲಿಸ್ಟ್ ಆದಂಥ ಈ ಸ್ಟಾಕ್​ಗಳು ಸೂಚ್ಯಂಕಕ್ಕೆ ಸೇರ್ಪಡೆ ಆಗಿವೆ.

ಎನ್​ಎಸ್​ಇ ಸೂಚ್ಯಂಕ ಲಿಮಿಟೆಡ್​ನ ಸೂಚ್ಯಂಕ ನಿರ್ವಹಣೆ ಉಪ-ಸಮಿತಿ- ಈಕ್ವಿಟಿ (IMSC) ಸ್ಟಾಕ್​ಗಳ ನಿಫ್ಟಿ ಈಕ್ವಿಟಿ ಸೂಚ್ಯಂಕ ಮತ್ತು ಬದಲಿಯನ್ನು ನಿಯಮಿತವಾಗಿ ಮಾಡುವುದಕ್ಕೆ ನಿಯಮಾವಳಿಯಲ್ಲಿ ಬದಲಾಯಿಸುವುದಕ್ಕೆ ನಿರ್ಧರಿಸಿದೆ. ಮಾರ್ಚ್ 31, 2022ರಿಂದ ಈ ಬದಲಾವಣೆಗಳು ಜಾರಿಗೆ ಬರಲಿವೆ ಎಂದು ಗುರುವಾರದಂದು ಎನ್​ಎಸ್​ಇ ಸುತ್ತೋಲೆಯಲ್ಲಿ ತಿಳಿಸಿದೆ. ಅರ್ಹತಾ ಮಾನದಂಡ ಎಂದು ನಿಗದಿ ಮಾಡಿರುವುದರಲ್ಲಿ ಕಟ್​-ಆಫ್​ ದಿನಾಂಕದಂದು ಕನಿಷ್ಠ ಒಂದು ಕ್ಯಾಲೆಂಡರ್​ ತಿಂಗಳು ಲಿಸ್ಟಿಂಗ್ ಇತಿಹಾಸವನ್ನು ಹೊಂದಿರಬೇಕು. ಈ ಹಿಂದೆ ಅದು ಮೂರು ತಿಂಗಳಿತ್ತು. ಇದರಿಂದಾಗಿ ನೈಕಾ, ಪೇಟಿಎಂ, ಪಾಲಿಸಿಬಜಾರ್ ಮತ್ತು ಲೇಟೆಂಟ್ ವ್ಯೂ ಇವೆಲ್ಲ 2021ರ ಅಕ್ಟೋಬರ್​ನಲ್ಲಿ ಲಿಸ್ಟ್ ಆಗಿದ್ದವು.

ನೈಕಾ, ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (ಐಒಸಿ), ಮೈಂಡ್​ಟ್ರೀ ಲಿ., ಪೇಟಿಎಂ, ಎಸ್​ಆರ್​ಎಫ್​ ಲಿಮಿಟೆಡ್​ ಮತ್ತು ಝೊಮ್ಯಾಟೋ ಲಿಮಿಟೆಡ್ ಈ ಆರು ಸ್ಟಾಕ್​ಗಳು ನಿಫ್ಟಿ- 50ಯಲ್ಲಿ ಸೇರ್ಪಡೆ ಆಗಲಿದೆ. ಅಪೋಲೋ ಹಾಸ್ಪಿಟಲ್ ಎಂಟರ್​ಪ್ರೈಸ್​, ಅರಬಿಂದೋ ಫಾರ್ಮಾ, ಎಚ್​ಪಿಸಿಎಲ್, ಐಜಿಎಲ್​, ಜಿಂದಾಲ್ ಸ್ಟೀಲ್ ಅಂಡ್​ ಪವರ್, ಯೆಸ್​ ಬ್ಯಾಂಕ್ ಇವುಗಳಿಗೆ ಬದಲಿಯಾಗಿ ನಿಫ್ಟಿ ನೆಕ್ಸ್ಟ್ 50 ಸೂಚ್ಯಂಕವನ್ನು ಸೇರಲಿದೆ.

ನಿಫ್ಟಿ-50 ಸೂಚ್ಯಂಕಕ್ಕೆ ಸೇರ್ಪಡೆ ಆಗುವುದರ ಲಾಭ ಏನು?:

ಹೀಗೆ ನಿಫ್ಟಿ ನೆಕ್ಸ್ಟ್ 50 ಸೂಚ್ಯಂಕಕ್ಕೆ ಸೇರ್ಪಡೆ ಆಗುವುದರೊಂದಿಗೆ ಸಾಕಷ್ಟು ಇಂಡೆಕ್ಸ್​ ಫಂಡ್​ಗಳು ಮತ್ತು ಇಟಿಎಫ್​ಗಳು ಈ ಸ್ಟಾಕ್​ಗಳನ್ನು ತಮ್ಮ ಪೋರ್ಟ್​ಫೋಲಿಯೋದಲ್ಲಿ ಸೇರಿಸಿಕೊಳ್ಳುತ್ತವೆ. ಹೀಗೆ ಮಾಡುವುದರಿಂದ ಈ ಹೊಸ ತಲೆಮಾರಿನ ಸ್ಟಾರ್ಟ್​ ಅಪ್​ ಕಂಪೆನಿಗಳಿಗೆ ಅಗತ್ಯ ಇರುವ ಬೆಂಬಲ ದೊರಕಿಸುತ್ತದೆ. ಮುಂಬರುವ ವರ್ಷಗಳಲ್ಲಿ ಇಂಥದ್ದೇ ಕಂಪೆನಿಗಳು ನಿಫ್ಟಿಯಲ್ಲಿ ಸೇರ್ಪಡೆ ಆಗುವ ಮೂಲಕ ಸಾಂಪ್ರದಾಯಿಕ ಉದ್ಯಮದ ಮಾದರಿಗೆ ಪರ್ಯಾಯ ದೊರೆತಂತಾಗುತ್ತದೆ ಎಂಬುದು ವಿಶ್ಲೇಷಕರ ಅಭಿಪ್ರಾಯ.

ಸೂಚ್ಯಂಕದಲ್ಲಿ ಸೇರ್ಪಡೆ ಮಾಡಿದ ಕಾರಣಕ್ಕೆ ಯಾವಾಗ ಇಟಿಎಫ್​ಗಳ ಮ್ಯಾನೇಜರ್​ಗಳು ಈ ಷೇರುಗಳನ್ನು ಖರೀದಿಸಲು ಆರಂಭ ಮಾಡುತ್ತಾರೋ ಆಗ ವಾಲ್ಯೂಮ್ ಹೆಚ್ಚುತ್ತದೆ. ಮರು ಸಮತೋಲನ ಆಗುವಾಗ ಬೆಲೆ ಮೇಲ್ಮುಖವಾಗಿ ಸಾಗುತ್ತದೆ. ಆದರೆ ಈಗ ಕೂಡ ಈ ಸ್ಟಾಕ್​ನಲ್ಲಿ ಅಪಾಯ ಇದ್ದೇ ಇದೆ. ಒಟ್ಟು ಪೋರ್ಟ್​ಫೋಲಿಯೋದ ಪೈಕಿ ಶೇ 2ರಿಂದ ಶೇ 4ರಷ್ಟನ್ನು ಮಾತ್ರ ಇವುಗಳಿಗೆ ಮೀಸಲಿಡಬಹುದು. ಅದು ಕೂಡ ಸಿಸ್ಟಮ್ಯಾಟಿಕ್ ಇನ್ವೆಸ್ಟ್​ಮೆಂಟ್ ಪ್ಲ್ಯಾನ್ ಅಡಿಯಲ್ಲಿ ಹೂಡಿಕೆ ಮಾಡಬಹುದು ಎಂದು ಪರಿಣತರು ಅಭಿಪ್ರಾಯ ಪಡುತ್ತಾರೆ. ಈಗ ಬೆಲೆ ಇಳಿಕೆ ಆಗಿರುವಾಗ ಖರೀದಿಗೆ ಉತ್ತಮ ಸಮಯ ಇದು ಎಂಬುದನ್ನು ಸೇರಿಸುತ್ತಾರೆ.

ಇದನ್ನೂ ಓದಿ: NSE Scam: ಎನ್​ಎಸ್​ಇ ಹಗರಣದಲ್ಲಿ ಮಾಜಿ ಸಿಒಒ ಆನಂದ್​ ಸುಬ್ರಮಣಿಯನ್​ರನ್ನು ಬಂಧಿಸಿದ ಸಿಬಿಐ





Source link

बातमी आवडल्यास नक्की शेअर करा -

Leave a Comment

Latest News

Covid-19 Stats

Live COVID-19 statistics for
India
Confirmed
44,591,112
Recovered
0
Deaths
528,655
Last updated: 4 seconds ago